Page 1 of 8
Namárië
by
J.R.R. Tolkien
Page 2 of 8 Ai! laurië lantar lassi súrinen,
yéni únótimë ve rámar aldaron!
Yéni ve lintë yuldar avánier
mi oromardi lisse-miruvóreva
Page 3 of 8 Andúnë pella, Vardo tellumar
nu luini yassen tintilar i eleni
ómaryo airetári-lírinen.
Page 4 of 8 Sí man i yulma nin enquantuva?
Page 5 of 8 An sí Tintallë Varda Oiolossëo
ve fanyar máryat Elentári ortanë,
ar ilyë tier undulávë lumbulë;
ar sindanóriello caita mornië
Page 6 of 8 i falmalinnar imbë met, ar hísië
untúpa Calaciryo míri oialë.
Sí vanwa ná, Rómello vanwa, Valimar!
Page 7 of 8 Namárië! Nai hiruvalyë Valimar.
Nai elyë hiruva. Namárië!
